Interimstivra

Čakča 2017 lea álggahuvvon interimstivra, mii galgá bidjat vuođu meahcceguovddáža organiseremii, ohcat ovttasbargiid, ja huksema ja doaimma ruhtadeami. Stivra áigu maid lágiidit kurssaid ja lea álggahan máŋgga pilotprošeavtta.

E-poasta-čujuhus stivrajođiheaddjái: meahcci@meahcci.info
E-poasta-čujuhus buot stivramiellahtuide: stivra@meahcci.info

Interimstivrra miellahttut:

Jođiheaddji	Ellen Cecilie Triumf-Buljo	ellentriumf@gmail.com	91594944
Nubbi jođiheaddji	Nils Ole N. Skum	nilsole@hotmail.com	92806938
Čálli	Máret J. Heatta	maretjh@gmail.com	40195813
Stivralahttut	Karen Marie Eira Buljo	karenmarja@hotmail.com	46189976
	Laila Susanne Vars	lailasusanne@gmail.com	90030998
	Svein Lund	sveilundn@online.no	90727698
	Anders S. Buljo	anders.buljo@kautokeino.kommune.no	90102503

Preassadieđáhus interimstivrras 16.11.2017

Pilotprošeavttat

Ovdaprošeavttas ávžžuhuvvojedje máŋga vejolaš pilotprošeavtta.

Vuosttaš prošeakta, sámegiel šaddo- ja eallinamahusaid birra, čáđahuvvui ovdaprošeavtta olis.

Interimstivra áigu dál álggos vuoruhit 8 prošeavtta:

(Liŋkkat čujuhit diehtui maid ovdaprošeakta lea čohkken. Dan mii áigut ođasmahttit dan mielde go pilotprošeavttaid barget.)

Fáddá	Ovddasvástádus
Guovdageainno-Álttá-čázádat	Svein Lund
Guolit ja guollebivdu	Nils Ole N. Skum
Dálkkádat ja dálkemearkkat	Máret J. Heatta
Biepmu	Ellen Cecilie Triumf-Buljo
Lottit ja lodden	Nils Ole N. Skum
Boazodoallu	Karen Marie Eira Buljo
Šattut	Svein Lund
Biedjovákki ruvke	Svein Lund

Jurdda lea álggahit bargojoavku iešguđet prošektii. Joavkkut galget:
- ohcat ruhtadeami prošektii
- ohcat vejolaš ovttasbargiid
- buoridit dieđut mat leat neahttasiiddus dán fáttá birra
- evttohit mo ráhkadit čájáhusa boahttevaš meahcceguovddážii
- jus vejolaš lágiidit kurssa fáttas.

Jus háliidat searvat muhtin prošektii, válde oktavuođa suinna geas lea ovddasvástádus.

Mis ii leat vel nu ollu ruhta dan bargui, muhto leat ohcan doarjaga Birasdirektoráhta, UNESCO-kommišuvnnas, Kulturráđis, Luonddugáhttenlihtus ja moatti priváhta fitnodagain ja ásahusain. Mii šaddat sáddet eanet ohcamiid 2018 njukčamánus.

Ođasáššit 2018

Gudnebálkkašupmi Meahcceguovddáža stivralahttui

Karen Marie Eira Buljo oaččui 21.08.2018 álgoálbmoga alit oahpposearvvi WINHECa gudnebálkkášumi, su áŋgiris barggus ovddidit sámi árbevirolaš máhtu. (Geahča Ávvira artihkkala)
Káre Márjá lea searvan Meahcceguovddáža bargui ovdaprošeavtta rájes ja lea dál interimstivrra miellahttu. Su bargu ja máhttu lea ee. leamaš vuođđun teavsttaide ja govaide boazoealáhusa birra maid sáhtát geahččat dán neahttasiiddus ja min johtti čájáhusas, mii dál lea Diehtosiiddas. Sus lea hui ollu máhttu meahci ja meahcásteami birra ja son dat lea evttohan ahte guovddáža namma galgá leat juste Meahcceguovddáš.
Mii sávvat lihku bálkkášumiin!

Meahcceguovddáža beassášdoalut manne bures

Guovdageainnu Meahcceguovddáš lea lágiidan beassášdoaluid Kulturviesus ja daid bokte čájehan maid sáhttá boahttevaš guovddážis lágiduvvot. Dan dagaimet čájahusain, kurssaiguin ja bargobájiiguin.
Dás sáhtát lohkat Raportta beassášdoaluin

Kántuvra Kulturviesus

Meahcceguovddáš lea ožžon kántuvrra Kulturviesus. Doppe mis lea duppalis čállinbeavdi, unna beavddáš ja njealje stuolu. De mis lea girjehildut oalle ollu girjjiiguin, girjjážiiguin ja báhpáriiguin. Ja ollu geađggit ja muhtin plakáhtat. Ja dárbbašlaš biergasat vuoššat ja juhkat deaja ja gáfe. Mis váilo ain veahá kántorbierggasat, ja mii váldit áinnas vuostá eanet girjjiid luonddu birra. Mis lea maiddái ráŋŋjálatnja, maid mii geavahit monteret ja vurket čájáhusaid.