Ginaljeaggi, Ginalvárri duogábealde.
(Govven: Svein Lund)

Guovdageainnu meahcceguovddáš / natursenter

Evttohuvvon luonddureserváhtta – Ginaljeaggi

Ginaljeakki mihtilmas šaddogeardi: Guohcadaŋas, ehtemas, jokŋa ja rievssatmuorji
(Govven: Svein Lund)

Giŋaljeaggi lea okta 9 guovllus Guovdageainnus mii lea evttohuvvon reserváhttan, Finnmárkku jekkiid ja čáhccas/njeašše-eatnamiid suodjalanplána oktavuođas. Plána livččii suodjalit 2,3 km 2, Soahtefielmmás, sullii 4 km oarjjadavábealde Guovdageainnu čoahkkebáikki. Dát lea justte davábealde geainnu Biedjovákki guvlui. Jekkiid davágeahči lea Čábardašjohka ja bievlamáđiidja lulágeahčen.

Suodjalanárvvut

Evttohuvvon suodjalanguovlu Ginaljeaggi
(Gáldu: Filkkamánni)

Dalá Filkkamánni cealkka: Ginaljeakkis leat máŋggadáfot ruohtastusjeakkit main leat valljis duottarjeagge šaddogearddit. Dáppe leat čuvges- ja ruvatlukti, VRANGKLOMOSE nammásaš sámmalčoahkkáldat, mas báserikkis sámmálat. (MAKKMOSE OG FETTMOSE). Dáppe leat maid rissejeakkit, eanas skierrit, ja diehppedarffit, TVAREMOSE. Eará rissejekkiin leat ruostaivdnás darfesámmálat ja "SIGDEMOSE"-rissejeaggi. Dát báserikkis šaddogeardi lea ROSETORVMOSE, STJERNETORVMOSE dulbes mosaikk-čiŋáheapmin, ja MAKKMOSE-FLARKBLEIKMYR main lea e.e áhpeullu (NT). Dát leat maid ádjagat (Finnmárkku Filkkamánni, 1980).
[Mii leat dás stuora bustávaiguin čállán dárogiel namaid, go eat leat gávdnan dáid slájaid sámegiel namaid. Doaimm.]

Dáid lottiid áice monnemen; suotnjočovžoš (VU), stuorčoavžžu, rávggoš (DD) ja guškkástat. Čuokŋágat (VU) ja njuvččat (NT) oidnojedje maid dáppe, nu dát nálit maid; meahkástagat, fiskebeštorat, rievssatcizážat, upmolcizážat, hoaššacihcit ja vintánat. (Bjerke et. al 2005).

Ginaljeaggi govvejuvvon davás, Čábardašjoga guvlui.
(Govven: Svein Lund)

Ginaljeakkis lea ollu smávva láddot dahje jorpmit.
(Govven: Svein Lund)

Báikkalaš geavaheapmi

Ginal- ja Guohcajeakki evttohuvvon suodjalanguovllu geavaheapmi.
(Gáldu: Riseth)

Dát guovlu lea Soahtefielmmá giláža lahka. Ginaljeakkis leat dálvet máŋga skutermáđiija ja lea lahka astoáiggeguovllu mii geavahuvvo ollu birrajagi. Geasset vázzet olbmot dábálaččát Ginaljeakki birra, go lea nu čáhccai ahte lea measta veadjetmeahttun rastildit dan. Báikkálašolbmot lubmejit jeakkis, nu maid olggobealeolbmot. Buoret luomejeakkit gal leat davá- ja nuorttabealde evttohuvvon suodjalanguovllu. Guovlus bivdet ealggaid ja rievssahiid. Olggobealeolbmot dat bivdet eanas dáppe. Giđđalodden ii leat dábálaš (ja lea leamašan lobiheapmin jagiin 1999-2009). Ovdal bivde rievssahiid gárdumiin ja murrejit veahá ráji siskobealde, oarjja-davágeahčen. (Riseth et. al 2009).

Gáldut

Finnmárkku Filkkamánni. Verneplan for myrer og våtmarker i Finnmark. Birasgáhttenossodat, 2010.
Riseth / Solbakken / Kitti: Meahcásteapmi Guovdageainnus. Naturbruk i Kautokeino. Fastboendes bruk av meahcci i Kautokeino kommune og konsekvenser ved etablering av naturvernområder. Sámi allaskuvla, 2010.