I Guovdageainnus leat máŋga searvvi ja ásahusa mat háliidit juohkit dieđuid luonddu, meahcásteami, báikkálaš kultuvrra ja historjjá birra. 2018 giđa álggahii suohkan ovttastahttit dáid álggáid oktasaš Luonddu-, kultuvra- ja máilmmiárbetuovddážii. Dattetge ii leat vel guovddáš doaibmagoahtán 2021 geasi.
Dás mii leat čohkken muhtin dokumeanttaid áššis, vuođđun viidáset bargui.

Guovdageainnu suohkana áššemeannudeapmi

Sátnejođiheaddji bovdii oktasaš čoahkkimii servviid ja ásahusaid main lei beroštupmi álggahit guovddáža.
03.04.2018 Bovdehus čoahkkimii 06.04.2018
06.04.2018 Referáhta čoahkkimis 06.04,2018

Dan maŋŋá bovdejuvvui ođđa čoahkkimii, muhto mii eat leat gávdnan referáhta dás, ja eat leat sihkkar šattai go dalle čoahkkin.
09.04.2018 Bovdehus čoahkkimii 20.04.2018

Ášši bidjoijuvvui de ovdagoddái ja suohkanstivrii:
26.04.2018 Áššečilgehus – Intenšuvdnašiehtadus guovddáža kultur- ja máilmmiárbái

Dan vuođul mearridii suohkanstivra ahte lei mielas guovddáa álggaheapmai, ahte dat galggai vuođđuduvvot 2018 golggotmánu ja nammadii referansejoavkku mas ledje golma suohkanstivraáirrasa, geat galge bargat viiddáseappot áššiin.
14.06.2018 Suohkanstivrra mearradus

Suohkan diŋgui Sámi Musihkkafestiválas, Ol Johan Gaup bokte prošeaktačilgehusa Prosjekt – Besøkssenter for natur, kultur og verdensarv i Guovdageaidnu.

Jurdda lei čađahit pilotproševtta 2019:s, mas galggai hukset čajahusaid Kulturviesus. Álggus galggai vuosttaš čájáhus leat gárvis Sámi álbmotbeaivvis 2019 ja eará beassážiidda. Dat galgggai dahkkot bueahta siskobealde, mas lei kr. 600000,-. Dán vuođul galggai šaddat bistevaš doaimma mas ledje stuorit čájáhusat 2020 rájes. Suohkan galggašii oamástit sisttisdoallat Anárjoga álmbomeahcceguovddáža. Jurdda lei ahte suohkan galggai oanástit pilotprošeavtta, muhto dan sáhtášii maŋŋil sirdit ođđa ásahussii.

26.11.2018 lei ovttasbargočoahkkin iešguđet ásahusaid gaskkas, mas Musihkkafestivála čilggii prošeaktaplána. Suohkan ii lean mielde dán čoahkkimis
Ovttasbargočoahkkin – referáhta

Oasseváldit háliidedje dalle geahččalit oažžut vuosttaš čálájusoasi gárvvis Sámi albmotbeaivái, 06.02.2019.

28.11.2018 Prošeakta - galledanguovddáš luondu, kultuvra ja máilmmiárbi Guovdageainnus
Suohkanstivra mearridii 13.12.2018 dohkkehit Musihkkafestivála čilgehusa, addit sátnejođiheaddji fámu šiehtadit Musihkkafestiválain čađahit prošeavtta ja ovdagotti nammadit stivrenjoavkku ja fágalaš ráđi.

Suohkan čilgii de ovttasbargi servviide rošeaktačilgehusa ja suohkanstivrra mearrádusa:
20.12.2018 Referat fra orienteringsmøte vedr. etablering av Senter for samisk kultur og verdensarv

Plána gárvvistit oasi čájáhusas guovvamánus ja reasta cuoŋománus ii lean vejolaš čajáhit, ee. danin go lei váttis gávdnat gelbbolaš olbmuid hábmet čájáhusaid. Musihkkafestivála fertii danin 2019 njukčamánu ohčat maŋiduvvon áigemeari čađahit prošeavtta. Dát dohkkehuvvui eavttuin ahte sáddejuvvo ođđa áigeplána, muhto dákkár plána ii oro boahtán suohkanii. 2019 skábmamánu bivddii Musihkkafestivála suohkanis mávssu, muhto oaččui vástádusa ahte suohkan ii leat ožžon proseaktaraportta ii ge lea boahtán eará čájáhus go dan maid Meahcceguovddáš lea ceggen. 2019 juovlamánu gesii dalle Musihkkafestivála ruovttoluotta máksingáibádusa.

Lobalaš mearrádus?

Moadde háve proseassas lea jearrojuvvon lea go áššemeannudeapmi ja juolludeapmi dahkkon juridihkalaš reiekta, ee. njuolggadusaid ektui mat gusket almmolaš oastimiidda. Danin diŋgui suohkan juridihkalaš árvvoštallama dan birra Finnutas. Go mearrádus dahkkojuvvui suohkanstivrras 13.12.2018, dát ii lean vel boahtán, ja mearrádusas bidje eaktun: "Ovddihit ahte mearrádus ii leat njuolggadusaid vuostá almmolaš oastima birra". Finnut:a čilgehus bođii juste dan maŋŋá, ja konklušuvdna lei ahte lei váttis dahkat, muhto ahte dieđuid mielde maid ledje ožžot, de jáhke ahte dát juolludeapmi lei "tilskudd", ii ge "anskaffelse", ja danin lobalaš.
18.12.2018 Vurdering fra Finnut"

Suohkanhálddahus lei dáttetge eahppesihkkar, ja dat boahtá ovdan dán áššečilgehusas:
21.01.2019 Samlet saksframstilling – Tilskudd til prosjekt Besøkssenter for natur, kultur og verndensarv i Kautokeino
Ovdagoddi válljii dattetge juolludit kr. 600.000 pilotprošektii, Musihkkafestivála bokte.

Ášši bođii fas bajás 2019 čavčča, ee dán reivve maŋŋá:
16.11.2019 Váidálus Govvagiisás

Boađus lei ahte ášši fertii ođđa meannudeapmái:
28.11.2019 Saksfremlegg – Ny vurdering av prosjektet Besøkssenter for natur, kultur og verdensarv i Kautokeino.

Suohkanstivra mearridii dalle bissehit máksima, ja ahte ášši fertii fas suohkanstivrii 2020 ođđa meannudeapmái, ee. vai sihkkarastit ahte mearrádus lei oppalaš oastima njuolggadusaid mielde.

Dan maŋŋá ášši lea maŋiduvvon ja maŋiduvvon fas.
Suohkanstivračoahkkimis 2020 golggotmánu lohpidii sátnejođiheaddji ahte guovddáš dál galggai vuoruhuvvot.
Mii eat leat gávdnan makkárge dokumeahttaid áššis suohkanii 2020:s ii ge 2021:s.

Ovdaprošeakta oktasaš guovddáža ovddas

2021:s álggahii Meahcceguovddáža stivra fas barggu oktasaš guovddážiin. Doarjagiin suohkana ovdanahttinfitnodaga Ovddos álggahuvvui ovdaprošeakta maid konsuleantafitnodat Arctic Prime jođiha. Sii jearahalle ollu vejolaš ovttasbargiid ja bovddii sin čoahkkimii 2022 ođđajagimánu. Meahcceguovddáža stivra lea doaibman ovdaprošeavtta stivrenjoavkun.Raporta ovdastudias
- 2022 ozaimet ruhtadeami joatkit barggu ja 2023 guovvamánu oaččuimet viimat ruđa. Fas barggai Arctic Prime dáinna, Meahcceguovddáža stivra stivrenjoavkun. Ovdaproseakta loahpahuvvui 2024 guovvamánu.

Vejolaš ovttasbargit

Suohkane áššebáhpáris 28.11.2018 leat čuovvovaččat namuhuvvon ovttasbargin:
Luovvi luohtteguovddáš
Govvagiisá
Guovdageainnu Meahcceguovddáš Beaivváš sámi teahter
Anárjoga álmotmeahcceguovddáš

Dasa lassin leat dát searvvit ja ásahusat unnit dahje eanet searvan ovttasbargui dahje cealkán ahte háliidit searvat:
Juoiggalasat
Gilišillju (RidduDuottarMuseat)
Giellagiisá
Guovdageainnu historjásearvi
Sámi musihkkafestivála
Ávjovári luonddugáhttenlihttu
Sámi bivdo- ja meahcástansearvi
Máilmmiárbekoordinahtor Struve

Dáid servviid ja ásahusaid sáhttet maiddái bovdet mielde:
ABAS
Guovdageainnu musihkkariid searvi
Dáiddadállu
Tuvrrahaset

Suohkanlaš orgánat mat sáhttet searvat:
– Suohkanstivra, ovdagoddi
– Kultuvrra váldolávdegodi
– Luondduhálddašeaddji
– Giellagiisá

Maid lea Meahcceguovddáš dahkan?

– Searvvaimet vuosttaš čoahkkimii oktasaš guovddáža birra ja mii leat maŋŋil searvan buot čoahkkimiida maidda leat ožžon bovdehusa.
– Dán ášši birra mii leat ságastallan máŋga stivračoahkkimii ja jáhkečoahkkimii áigodagas 2018-21. Les Oassi čoahkkinreferáhtain
– Mii leat dokumenteren luonddu ja meahcásteami Guovdageainnus neahttasiiddus meahcci.info ja doppe leat maiddái ollu dieđut maid sáhttá geavahit fáttáin nugo kulturdoaimmat, suodjalanguovllut ja máilmmiárbi.
– Mii leat čohkken máŋga čuođi gova mat čájehit ealli-, šaddo- ja guopparálájaid, eanadathámiid ja meahcásteami, ja mis leat kontrávttat mat addet min vuoigatvuođa geavahit dáid maiddái čájáhusaide.
– Go bođii sávaldat ráhkádit geahččalančájáhusa ovdal 06.02.2019, ráhkadeimmet čájáhusa Meahcceguovddáža birra ja Nussir-ruvkeplšna birra. Dán ceggiimet Báktehárjái Sámi Álbmotbeaivvi ávvudeapmái.
– Mearrideimmet pilotprošektii vuoruhit čájáhusa maid háliideimmet gohččudit "Guovdageainnu meahci riggodagat", mas ledje govat válljejuvvon šlájain ja teaksta dasa.
– Dalle go 2019 juovlamánu mearriduvvui ahte Beaivváš teahter galggai hápmet čájáhusa, čáliimet reivve Musihkkafestiválii ja mielbargiide mainna mii sáhttit oasálastit. Čoahkkima Beaivvážiin maŋŋá sáddiimet Brev til Beaivváš / Musikkfestivalen om utstilling på kulturhuset, mas konkretiseriimet makkát teavsttaid ja govaid sáhtášeimmet addit čájáhussii.
– Leimmet gergosat virgáibidjat prošeaktamielbargi, gii galggai bargat min oasi čájáhusas, muhto fertiimet šluhttet dan go juolludeapmi bissehuvvui.
– Dalle go suohkan mearridii geassit ruovttoluotta juolludeami ja orui šaddame nu ahte čájáhus šaddá bidjojuvvot fállaldatgilvui, mearrideimmet ahte mii áiggut searvat dasa ja nie fállat ahte mii sáhttit váldit váldoovddasvástádusa čájáhussii.
– Mii leat ráhkadan evttohusa movt iešguđet čájáhusaid sáhtásii ovttastahttit luonddu- ja kulturbálgiin. http://meahcci.info/balggispres.pdf
– 22.10.2020 sáddiimet reivve suohkanii oktasaš guovddáža ja eará áššiid birra. Reivves lei mielddus mas čilggiimet maid Meahcceguovddáš sávva ja mainna sáhttit oasálastit oktasaš guovddážii. Geahča Notáhta – Guovdageainnu meahcceguovddáža bargu ja ovttasbargu suohkaniin . Reive ii oro leame registrerejuvvon suohkana "epostinnsyn"as ii ge leat boahtán vástádus dasa.
- 2021-22 lea Meahcceguovddáža jođiheaddji ságastallan ollu olbmuiguin áššis.
- 2021-22 lea Arctic Prime čađahan "forstudie". Meahcceguovddáža stivra lea doaibman ovdaprošeavtta stivrenjoavkun.
- 2022 ozaimet ruđa joatkit barggu ja guovvamánu 2023 oaččuimet viimmát dieđu ahte mii leat ožžon doarvái ruđa joatkit barggu. Lea ain Arctic Prime mii galgá čađahit dan ja Meahcceguovddáža stivra doaiba stivrenjoavkun.

Maid vel sáhttá Meahcceguovddáš bargat?

Mii háliidit searvat huksemii oktasaš guovddáža ja de geavahit min máhtu ja ávnnasiid dasa.