Guovdageainnu meahcceguovddáš / natursenter

På norsk

Biedjovággi – ruvkedoaimma ovdal, vuolde ja maŋŋil

12 – Boazodoallu

Biedjovákkeguovllus ledje gottit duháhiid jagiid ja (lojes) bohccot fas leat leamašan čuohtenáre jagiid. Guhká besse bohccot ja boazodoallu ráđđet duoddariid ráfis, muhto dađistaga álggii stuoraservodat báhkket guvlui iežas doaimmaiguin ja boazodoallu fertii geahččalit heivehit iežas daid ektui. Álggos bođii Návuona čáhcefápmohuksen 1960-logus. Dakka maŋŋá bođii ruvkke ásaheapmi Biedjovággái. Dat buvttii stuora váttisvuođaid vuosttažettiin Ábborášša orohahkii, muhto dat čuzii maiddái ránnjáorohagaide. Máŋga bearraša fertejedje heaitit boazodoaluin dehe fárret áibbas eará guovlluide. Ruvkefitnodat ii áigon álggos máksit buhtadusaid, muhto lágasteame maŋŋil dubmejuvvui máksit unnimus veardde buhtadusa.
Maŋŋil ruvkke heaittiheami lea boazodoallu geahččalan váldit ruovttoluotta osiid dain guovlluin maid massii, muhto muhtun guovllut gal leat massojuvvon agibeaivái. Dáiguin govaiguin geahččalit čájehit veháš dan makkár dilálašvuođat leat boazodoalus dál ruvke- ja lagas birasguovlluin. Dát leat dušše smávva dieđut govaid bokte, ja mii sávvat oažžut eanet govaid dađistaga.


Ii leat ollu ealát dás, nuoskiduvvon eana, muhto liikkáge ohcala boazu deike boares dábiidis ektui ja muhtun bohccot leat maid nulpen dása.
(Govva: Svein Lund)
Boazu lei dás.
(Govva: Svein Lund)
Ja dat leat vissa ain dás.
(Govva: Svein Lund)
Dáppe lei ovdalaš áigge buorre ealát, dál ii leat fávdnát maid gávdná dáppe.
(Govva: Svein Lund)
Ruvkeguovllu čađa jođus ealu lusa.
(Govva: Svein Lund)
Ruvkeguovllu čađa jođus ealu lusa.
(Govva: Svein Lund)
Go vuodja Biedjovákkeluotta, de ferte váruhit bohccuid luoddaguorain ja luotta nalde.
(Govva: Svein Lund)
Bohccot Biedjovákkeluohkás.
(Govva: Svein Lund)
Guorbavuomeluohkás ruvkke guvlui leat Ábborášša orohaga guođohanbarttat.
(Govva: Svein Lund)
Ovtta guođohanbartta siskkobealde.
(Govva: Svein Lund)
Guorbavuomis leat máŋga orohaga searvan hukset oktasaš rátkka- ja njuovvangárddi.
(Govva: Svein Lund)

Rátkkašeapmi Guorbavuomi gárddis.
(Govva: Lieuwe Jan Hettema)
Inga Susanne Hætta Triumf rátkkagárddis.
(Govva: Lieuwe Jan Hettema)
Mánát servet viššalit ja doaimmalaččat miessemearkumii.
(Gova lea luoikan: Marit Kristine Hætta Sara)
Rátkkašeapmi Biedjovákke lahka, 1970-logus.
( Gova lea luoikan: Inga Susanne Hætta Triumf)

Ruovttoluotta Biedjovákkegovaid álgosiidui.