Guovdageainnus leat ollu guolit. Vuoskku lea buorre guolli maid sáhttá bivdit ja geavahit eambbo.
 (Govva: Svein Lund)

Guovdageainnu meahcceguovddáš

Boska (Angelica archangelica) lea dovddus borramuš- ja dálkkasšaddu, okta šattuin maid sámit leat eanemusat geavahan áiggiid čađa. Dat šaddá ollu báikkiin Guovdageainnus, eanemusat jávre- ja johkagattiin.
(Govva: Svein Lund)

Dán geasi fálaldagat

31.05.–01.06. Guollebivdinkurs

Firbmen ja nuohttun, Guovdageaineatnu. Dieđut ja dieđiheapmi: tel 90727698 dahje 90129024.

07.06. Stuora šládjabivdu

Den store Artsjakten lea miehtá Norgga lágideapmi maid SABIMA lágiida ja masa máŋga luonddusearvvit servet. Ulbmil lea ovtta jándoris gávdnat nu máŋga šaddo- ja eallišlája go vejolaš ovtta guovllus ja dieđihit daid Artsdatabankenii. Mii searvat vuosttaš háve ja ovttasbargguin Skierri guobbar- ja šaddoservviin mii lágiidit dan Gavvuonbađas, Álttás. Šaddá fálaldat oažžut sáhtu Guovdageainnus lávvordaga iđedis ja idjadit nuvttá Álttás sotnabeaivái. Dieđiheapmi: tel 90727698 dahje 99690139.

14.-15.06 dahje 21.-22.06. Šattuid oahppat ja registreret

Mii registreret šaddošlájaid Mázes ja oahppat geavahit Artsdatabanken. Eanet dieæut maŋŋilis.

13.-14.08.Seminára – Duohtavuohta, soabadeapmi ja luondu Sámis

Meahcceguovddáš bovde ovttas Ávjovári Luonddugáhttenlihtuin seminárii LES visttis Guovdageainnus.
Semináras gieđahallojuvvo luondduhálddašeapmi ja luonddudieđut Sámis, Duohtavuođa- ja seanadankommišuvnna raportta ja Stuorradikki čuovvoleami vuođul:
– Duohtavuohta / dokumentašuvdna: Luondduhálddašeapmi dáruiduhttimin.
– Seanadeapmi / rievdadusat: Movt olahit luondduhálddašeami maid buohkat báikkálaččat sáhttet duhtat, ja mii seammás deavdá riikkaidgaskasaš gáibádusaid? .
– Semináras ságastallat mo dákkár gelbbolašvuođaguovddáš sáhttá leat mielde váikkuheame diehtojuohkima luonddu, luonddugeavaheami ja luonddusisabahkkema birra Sámis. Mii háliidit seminára bokte čájehit ahte Meahcceguovddáš juo lea oassin našunála gelbbolašvuođas dán suorggis ja sáhttá šaddat oassin našunála gelbbolašvuođaguovddážis.

– Prográmma lea measta gárvvis, ja biddjojuvvo deike go mii leat duođaštan moadde eanet logaldalli.

16.08. Šattut borramuššii ja dálkkasii

Kulturviesus ja meahcis Guovdageainnu márkana lahka

23.08. Guobbarat

Ovttasbargu guoppar- ja šaddoservviin. Kulturviesus ja meahcis Guovdageainnu márkana lahka

Eará kursafálaldagat

Go lea beroštupmi sáhttit maiddái fállat kurssaid dáin fáttáin:

– Málesteapmi luonddu gálvvuin
– Geologiija ja mineralat Guovdageainnus
– Gámasuinniid čuohppat, gieđahallat ja atnit
– Čuopmaneaskin
Jus háliidat muhtin dáin kurssain dahje eará kurssa luonddu dahje meahcásteami birra, dahje háliidat ieš fállat kurssa, váldde oktavuođa min kursalávdegottiin (Marit, marit@9520.no, tel 90786365 dahje Karen Lovise, kemme123@hotmail.com, tel 99505838).

:

Nuohttunkurssas, geassi 2019.

Oktasaš luonddu-, kultuvrra- ja máilmmiárbeguovddáš

Struve meridiánadávgi galgá leat oassi oktasaš guovddážis. Dát muitomearka lea Luvddiidčohkas, mii lea nubbi guovtti Struve váldočuoggáin mat leat Guovdageainnu suohkanis.

Guovdageaidnu suohkan evttohii 2018 čohkket máŋgga guovddáža oktasaš čájáhussii. Dát bargu lea maŋiduvvon, muhto lea dál fas jođus.
Meahcceguovddáža stivra jođiha dan barggu ja lea stivrenjoavku mas lea searvan logenáre báikkálaš searvvi ja ásahusa.
Konsuleantafitnodat Arctic Prime lea veahkehan ja ráhkadan:
2021/22: ovdastudie
2023/24: ovdaprošeavtta ja váldoprošeaktaplána.

Loga eambbo oktasaš plána birra.

Meahcceguovddáža girječoakkáldat

Oassi min girječoakkáldagas.

Guovdageainnu meahcceguovddáš lea čoaggime girjjiid luonddu ja luonddugeavaheami birra. Čoahkkaldat lea dál min kantuvrras Kulturviesus, ja galgá áiggi mielde šaddat eambbo rabasin buohkaide.
Mis leat dál sullii 500 girjji. Dás sáhtát geahčát girjelistu. Jus dus lea miella luoikahit muhtin dáin girjjiin dahje dus leat girjjit maid sáhtát addit midjiide, válddes oktavuođa muhtin stivrra miellahtuin.

Oanehis fáktá Guovdageainnu meahcceguovddáža birra

Álggahancealkámuš. Njuolggadusat. Stivra.
Kantuvra: Guovdageainnu kulturviessu, 2. gearddis, Govdavuohppenjárluodda 50
Poastačujuhus: Pb. 90, 9521 Guovdageaidnu
E-poasta: meahcci@meahcci.info
Telefuvdna: 90188756 dahje 90727698
Organisašuvdnanummir: 921 362 595.
Báŋkokonto: 1254.62.91144, Olgoriikkas IBAN NO0412546291144, Vipps 545709
Miellahttoruhta lea eaŋkilolbmuide kr. 100 jahkái dahje kr. 1000 agibeaivái, fitnodagaide/ásahusaide/servviide kr 1000 jahkái dahje 10000 agibeaivái.

Sáhtát áinnas viežžat, čálihit ja juogadit min gihpaga Guovdageainnu Meahcceguovddáža birra: sámegillii, dárogillii ja eŋgelasgillii