Boahtte kursa- ja doaibmafálaldagat

Bearjadat 27.06. Šattuid oahppat ja registreret

Mii registreret šaddošlájaid Mázes ja oahppat geavahit Artsdatabanken. Ovttasbargu luonddudutkkiiguin Natur og Samfunn-fitnodagas. Kursadivat kr. 200,- Eanet dieđut ja dieđiheapmi: tel 90727698.

Lávvordat 16.08. Šattut borramuššii ja dálkkasii

Álgá dii. 1100 Kulturviesus ja meahcis Guovdageainnu márkana lahka. Kursadivat kr. 200,- Dieđiheapmi: tel 90727698

Lávvordat 23.08. Guobbarat

Ovttasbargu Skierri guoppar- ja šaddoservviin. Kulturviesus ja meahcis Guovdageainnu márkana lahka. Kursajođiheaddjit Lisa Helstrøm Jørgensen ja Maia Hætta.Kursadivat kr. 200. Dieđiheapmi 901888756 dahje 99690139.

Golggotmánnu. Seminára – Duohtavuohta, soabadeapmi ja luondu Sámis

Dađe bahábut fertiimet maŋidit seminára, go áigi ii heiven logaldalliide. Eat leat vel mearridan beivviid, muhto dat boahtá farga.
Meahcceguovddáš bovde ovttas Ávjovári Luonddugáhttenlihtuin seminárii LES visttis Guovdageainnus.
Semináras gieđahallojuvvo luondduhálddašeapmi ja luonddudieđut Sámis, Duohtavuođa- ja seanadankommišuvnna raportta ja Stuorradikki čuovvoleami vuođul:
– Duohtavuohta / dokumentašuvdna: Luondduhálddašeapmi dáruiduhttimin.
– Seanadeapmi / rievdadusat: Movt olahit luondduhálddašeami maid buohkat báikkálaččat sáhttet duhtat, ja mii seammás deavdá riikkaidgaskasaš gáibádusaid? .
– Semináras ságastallat mo dákkár gelbbolašvuođaguovddáš sáhttá leat mielde váikkuheame diehtojuohkima luonddu, luonddugeavaheami ja luonddusisabahkkema birra Sámis. Mii háliidit seminára bokte čájehit ahte Meahcceguovddáš juo lea oassin našunála gelbbolašvuođas dán suorggis ja sáhttá šaddat oassin našunála gelbbolašvuođaguovddážis.

– Prográmma lea measta gárvvis, ja biddjojuvvo deike go mii leat duođaštan moadde eanet logaldalli. – Háddi kr. 400,- (borramušain). : tel 90188756 eller 90727698.

Eará kursafálaldagat

Go lea beroštupmi sáhttit maiddái fállat kurssaid dáin fáttáin:

– Málesteapmi luonddu gálvvuin
– Geologiija ja mineralat Guovdageainnus
– Gámasuinniid čuohppat, gieđahallat ja atnit
– Čuopmaneaskin
Jus háliidat muhtin dáin kurssain dahje eará kurssa luonddu dahje meahcásteami birra, dahje háliidat ieš fállat kurssa, váldde oktavuođa min kursalávdegottiin (Marit, marit@9520.no, tel 90786365 dahje Karen Lovise, kemme123@hotmail.com, tel 99505838).

Oktasaš luonddu-, kultuvrra- ja máilmmiárbeguovddáš

Guovdageaidnu suohkan evttohii 2018 čohkket máŋgga guovddáža oktasaš čájáhussii. Dát bargu lea maŋiduvvon, muhto lea dál fas jođus.
Meahcceguovddáža stivra jođiha dan barggu ja lea stivrenjoavku mas lea searvan logenáre báikkálaš searvvi ja ásahusa.
Konsuleantafitnodat Arctic Prime lea veahkehan ja ráhkadan:
2021/22: ovdastudie
2023/24: ovdaprošeavtta ja váldoprošeaktaplána.

Loga eambbo oktasaš plána birra.

Meahcceguovddáža girječoakkáldat

Guovdageainnu meahcceguovddáš lea čoaggime girjjiid luonddu ja luonddugeavaheami birra. Čoahkkaldat lea dál min kantuvrras Kulturviesus, ja galgá áiggi mielde šaddat eambbo rabasin buohkaide.
Mis leat dál sullii 500 girjji. Dás sáhtát geahčát girjelistu. Jus dus lea miella luoikahit muhtin dáin girjjiin dahje dus leat girjjit maid sáhtát addit midjiide, válddes oktavuođa muhtin stivrra miellahtuin.