Guovdageainnus leat ollu guolit. Vuoskku lea buorre guolli maid sáhttá bivdit ja geavahit eambbo.
 (Govva: Svein Lund)

Guovdageainnu meahcceguovddáš

Boska (Angelica archangelica) lea dovddus borramuš- ja dálkkasšaddu, okta šattuin maid sámit leat eanemusat geavahan áiggiid čađa. Dat šaddá ollu báikkiin Guovdageainnus, eanemusat jávre- ja johkagattiin.
(Govva: Svein Lund)

Kursafálaldat borgemánus: Guobbarat – Borramuš meahcis

Riesaraski lea oalle dábálaš guoppar Guovdageainnus – muhto movt atnit dan?

Lávvordaga 17.08. šaddá guopparkursa. Mii deaivvadit Kulturviesus dii. 1200. Álggus veahá dieđut guopparšlájaid birra maid mii áigut ohcat, de mii mannat meahccái čoaggit guobbariid, ja loahpas geahččat maid dahkat dainna vai šaddá njálga borramuš. Kursajođiheaddjit: Maia Hætta, Basia Głowacka ja Svein Lund. Dieđiheapmi ovdal 20.08., tel. 90727698. Kursadivat kr. 200.

Kursafálaldat borgemánus: Dálkkasat luonddus

Biiporássi šaddá Guovdageaidnu ja sáhttá geavahuvvot dálkkasin – muhto masa ja movt?

Lávvordaga 24.08. šaddá kursa dálkkasšattuid birra. Deaivvadit Kulturviesus dii. 1200. Álggus veahá dieđut, de mannat meahccái čoaggit šattuid, ja loahpas geahččat maid sáhttit ráhkadit dain. Oasseváldit sáhttet evttohit maid ráhkadit, omd. gosahandálkkas, čuoikaolju, vuoiddas allergiijaid ja liikeváttuid vuostá. Kursajođiheaddji: Basia Głowacka. Dieđiheapmi ovdal 27.08., tel. 90727698. Kursadivat kr. 200.

Kursafálaldat borgemánus/čakčamánus: Šattut ja guolit

Guollebivdinkursa: Kursaoasseváldi kajahkas čatná fierpmi siđgii ja kursajođiheaddji kanos addá rávvagiid. Boahtte kurssas sáhtát oahpat sihke guollebivddu ja sieđgašlájaid birra.

Geassemánus lágiideimmet sihke šaddokurssa ja guollekurssa. Máŋggas geat eai beassan searvat dalle sávve ođđa fálaldaga dan jagi. Dalle mii dahkat eksperimeantta: Sihke-ja-kursa sidjiide geat háliidit oahpasmuvvat luonddu riggodagaiguin ja ávkástallat dáid. Mii oahppat fierbmut iešguđet fatnasiin, dovdat ja registreret šaddošlájaid sihke eatnamis ja čázis ja seammas movt geavahit guliid ja šattuid.
Kursa álgá Kulturviesus lávvordaga 31.08. dii 1200. Álggus lea diehtojuohkin Artsdatabankena birra ja movt mii sáhttit registreret šattuid ja elliid. De mii vuodjit Goaskinjávrái, gos bivdit ja ohcet šattuid. Mii idjadit lávus. Jáhkimis mii geargat sullii dii 1400 sotnabeaivvi.
Kursajođiheaddjit: Guolli: Nils Mikkel Helmen, Šattut: Svein Lund ja Basia Głowacka.
DIeđiheapmi ovdal 27.08., tel. 90727698. Kursadivat kr. 500.

Čakčamánu: Geologiija beaivi


Dán jagi lea 6. gearde ahte mii lágiidit Geologiija beaivvi.

Duorasdaga 05. ja bearjadaga 06.09. mis leat fálaldat skuvlaluohkáide, heivehvvon buot dásiide 5.luohkás allaskuvlii. Dieđiheapmi: Kari Mulder, tel 95867746.

Lávvordaga 07.09. šadda rabas čájáhus Kulturviesus 0900-1600 ja logaldallamat dii. 1200 minerálaohcama ja ruvkkiid birra Guovdageainnus.

Geologiens Dag lea dán jagi ráhkadan girjjáža, maid sáhtát viežžat dás: En verden av stein.

Eará kursafálaldagat

Go lea beroštupmi ja heive jahkeáiggiin sáhttit fállat kurssaid dáin fáttáin, juogo rabas buohkaide dahje skuvllaide ja ásahusaide:

Nuohttunkurssas, geassi 2019.

– Šattuid ja elliid registreren / Atnit Artsdatabanken
– Málesteapmi luonddu gálvvuin
– Geologiija ja minerálat Guovdageainnus
– Nuohttun ja firbmen
– Gámasuinniid čuohppat, gieđahallat ja atnit
– Šattut borramuššii ja dálkasii
– Čuopmaneaskin
– Guobbarat

Jus háliidat muhtin dáin kurssain dahje eará kurssa luonddu dahje meahcásteami birra, dahje háliidat ieš fállat kurssa, váldde oktavuođa min kursalávdegottiin (Marit, marit@9520.no, tel 90786365 dahje Karen Lovise, kemme123@hotmail.com, tel 99505838).

Oktasaš luonddu-, kultuvrra- ja máilmmiárbeguovddáš

Struve meridiándávgi galgá leat oassi oktasaš guovddážis. Dát muitomearka lea Luvddiidčohkas, mii lea nubbi guovtti Struve váldočuoggáin mat leat Guovdageainnu suohkanis.

Guovdageaidnu suohkan evttohii 2018 čohkket máŋgga guovddáža oktasaš čájáhussii. Dát bargu lea maŋiduvvon, muhto lea dál fas jođus.
Meahcceguovddáža stivra jođiha dan barggu ja lea stivrenjoavku mas lea searvan logenáre báikkálaš searvvi ja ásahusa.
Konsuleantafitnodat Arctic Prime lea veahkehan ja ráhkadan:
2021/22: ovdastudie, 2023/24: ovdaprošeavtta ja váldoprošeaktaplána.

Loga eambbo oktasaš plána birra.

Márkanbálggis – Jurdagat luonddu- ja kulturbálgá birra

Mii leat dál pláneme luonddu- ja kulturbálgá, mii sáhttá leat Guovdageainnu márkanis. Jurdda lea ahte dat galgá addit dieđuid luonddu, historjjá ja kultuvra birra bálgá mielde ja seammás čatnat oktii čájáhusbáikkiid. Jus dus lea miella searvat dán bargui, váldde oktavuođa (tel. 90727698)
.

Dás sáhtát lohkat:
Márkanbálggis-jurdaga ovdanbuktin (sámegillii)
Digaštallannotahta Márkanbálgá birra (dárogillii)

Kárta čájeha jurddašuvvon Márkanbálgá ovttas vejolaš viiddidemiin.

Meahcceguovddáža girječoakkáldat

Oassi min girječoakkáldagas.

Guovdageainnu meahcceguovddáš lea dál čoaggime girjjiid luonddu ja luonddugeavaheami birra. Čoahkkaldat lea dál min kantuvrras Kulturviesus, ja galgá áiggi mielde šaddat eambbo rabasin buohkaide.
Mis leat dál sullii 500 girjji. Dás sáhtát geahčát girjelistu. Jus dus lea miella luoikahit muhtin dáin girjjiin dahje dus leat girjjit maid sáhtát addit midjiide, válddes oktavuođa muhtin stivrra miellahtuin

Oanehis fáktá Guovdageainnu Meahcceguovddáža birra

Álggahancealkámuš. Njuolggadusat. Stivra.
Kantuvra: Guovdageainnu kulturviessu, 2. gearddis, Govdavuohppenjárluodda 50
Poastačujuhus: Gartnetvađđa 7, 9520 Guovdageaidnu
E-poasta: meahcci@meahcci.info
Telefuvdna: 90188756 dahje 90727698
Organisašuvdnanummir: 921 362 595.
Báŋkokonto: 1254.62.91144, Olgoriikkas IBAN NO0412546291144, Vipps 545709
Miellahttoruhta lea eaŋkilolbmuide kr. 100 jahkái dahje kr. 1000 agibeaivái, fitnodagaide/ásahusaide/servviide kr 1000 jahkái dahje 10000 agibeaivái.

Sáhtát áinnas viežžat, čálihit ja juogadit min gihpaga Guovdageainnu Meahcceguovddáža birra: sámegillii, dárogillii ja eŋgelasgillii