Šaddokursa Suohpatjohgáttis (Foto: Svein Lund)

Guovdageainnu meahcceguovddáš Maid mii leat bargan?

Čájehus Báktehárjjis 06.02.2019 (Foto: Svein Lund)

Dieđut meahcceguovddáža barggus álggu rájes 2015:s gitta 2023 rádjái:

Álggahus, 2015–16

Álggahus dasa mii maŋŋil šattai Guovdageainnu meahcceguovddáš bođii Ávjovári luonddugáhttenlihtus.

Álggus evttohuvvui čoahkkimis departemeanttain álbmotmehciid birra, 2015 čavčča.
De bovdii Ávjovári luonddugáhttenlihttu rabas čoahkkimii 26.11.2015.
Bovdehus rabas čoahkkimii
Rapporta čoahkkimis
Ovdanbuktin – sámegillii
Ovdanbuktin – dárogillii

Ovdaprošeakta, 2016-17

Ávjovári luonddugáhttenlihttu doaimmahii ovdaprošeavtta. Prošeaktajođiheaddji lei Svein Lund, prosjeaktamielbargit álggus Paula Simonsen, maŋŋil Máret J. Heatta.
Ovdaprošeavtta birra
Ovdaprošeaktaraportta – dárogillii
Ovdaprošeaktaraportta čoahkkáigeassu – sámegillii
Diehtu ovdaprošeavtta ollášumi birra ja bovdehus rabas čoahkkimii

Interimáigodat, 2017-18

Čakča 2017 álggahuvvui interimstivra, mii galggai bidjat vuođu meahcceguovddáža organiseremii, ohcat ovttasbargiid, ja huksema ja doaimma ruhtadeami. Interimstivra lágiidii kurssaid ja álggahii pilotprošeavttaid.

Preassadieđáhus interimstivrras 16.11.2017

Pilotprošeavttat

Ovdaprošeavttas ávžžuhuvvojedje máŋga .

Vuosttaš prošeakta, sámegiel šaddo- ja eallinamahusaid birra , čáđahuvvui ovdaprošeavtta olis.

Interimstivra vuoruhii 8 prošeavtta:
(Liŋkkat čujuhit diehtui maid ovdaprošeakta lea čohkkegoahtán)

Fáddá	Ovddasvástádus
Guovdageainno-Álttá-čázádat	Svein Lund
Guolit ja guollebivdu	Nils Ole N. Skum
Dálkkádat ja dálkemearkkat	Máret J. Heatta
Biepmu	Ellen Cecilie Triumf-Buljo
Lottit ja lodden	Nils Ole N. Skum
Boazodoallu	Karen Marie Eira Buljo
Šattut	Svein Lund
Biedjovákki ruvke	Svein Lund

Jurdda lei álggahit bargojoavkku iešguđet prošektii. Joavkkut galge:
- ohcat ruhtadeami prošektii
- ohcat vejolaš ovttasbargiid
- buoridit dieđut mat leat neahttasiiddus dán fáttá birra
- evttohit mo ráhkadit čájáhusa boahttevaš meahcceguovddážii
- jus vejolaš lágiidit kurssa fáttas.

Sii geain lei Ovddasvástádus guđege fáddái, bukte dieđuid neahttasiidui ja čájáhusaide, ja muhtin sis leat lágidan kurssaid. Muđui ii boahtán nu ollu pilotprošeavttain interimáigodagas.

Meahcceguovddáža beassášdoalut

Guovdageainnu Meahcceguovddáš lea lágiidan beassášdoaluid Kulturviesus ja daid bokte čájehan maid sáhttá boahttevaš guovddážis lágiduvvot. Dan dagaimet čájahusain, kurssaiguin ja bargobájiiguin.
Dás sáhtát lohkat Raportta govaiguin beassášdoaluin

Filbma beassášdoaluin.

Jahkečoahkkináigodat 2018-19

Jahkečoahkkin 2018

Jahkečoahkkima referáhta 21.11.2018.

Jahkedieđáhus
Rehketdoallu
Bargoplána
Bušeahtta
Válljet stivvra, válgalávdegotti ja revisor.

Oktasaš guovddáš

26.11.2018 deaivvadedje iešguđetge guovddážat ja ásahusat Guovdageaidnu, vai ságastallat dan birra mo sáhtášit ovttasbargat hukset oktasaš luonddu, kultuvrra ja máilbmeárbbi guovddáža. Dat mat serve ledje: Meahcceguovddáš, Luohtteguovddáš, Govvagiisá og Musihkkafestivála. Soabadeimmet ovttasbargat hukset dákkár guovddáža ja ráhkádit čájáhusaid Kulturvissui. Dás galgá maid leat mielde Álbmotmeahcceguovddáš ja Struve ja Tromholta máilbmeárbbit.

Seminára máhccehálddašeami birra maŋiduvvon

Dađe bahábut ii šaddan seminára maid leimmet plánen 19.01.2019 fáttáin "Meahccehálddašeapmi Sámis – riidu vai ráfi?". Sivva dasa lea ahte stuora oassi logaldalliin geaid leimmet bovden eai boađe. Jurdda lei čohkket buot beliid vai čilget vuosttalašvuođaid ja geahččalit buoridit ovttasbarggu sihke báikkálaš meahcásteddjiid ja guovddáš eiseváldiid gaskkas ja Guovdageainnu ja Kárášjoga gieldda gaskkas. Geahččaleimmet guhká, muhto loahpas bođii čielga vástádusa ahte ii departemeanta, ii direktoráhta ii ge Kárášjoga gielda hálit searvat dákkár ságastallamii. Livččii dalle dušše logaldallit Guovdageainnus, ja maiddái sin gaskkas ledje moadde mat eai sáhttán searvat. Danin gávnnaimet ahte lea buoret maŋidit seminára ja ráhkadit dan veahá earáláhkái maŋŋil.

Ođđa čájáhus Sámi álbmotbeaivvis

Guovvamánu 6. b. 2019 almmuhii Guovdageainnu meahcceguovddáš ođđa čájáhusa Báktehárjjis Sámi álbmotbeaivvi ávvudeami olis. Dá leat muhtin govat čájáhusas. Dát čájáhus lea dál Kulturviesus ovttas eará fáttáiguin.

Šattut borramuššii ja dálkkasii

Mis ledje geasi 2918 golbma kurssa. Dás sáhtát viežžat ávdnasiid kurssain:

23.06.2019:

Kursajođiheaddjit Svein Lund
Báiki: Kulturviesu ja dan oarje-/lulábealde
kursasisdoallu-sámegillii dahje kursinnhold-norsk. Šattut Kulturviesu lahka, masa atnit daid ja maid gávnnaimet 24.06.

18.08.2019:
Kursajođiheaddjit Máret Sárá, Basia Głowacka ja Svein Lund
Báiki: Kulturviesu ja dan davábealde
Kursasisdoallu, Šattut Kulturviesu lahka, masa atnit daid ja maid gávnnaimet 24.06. , 26.08.2019
Kursajođiheaddjit Basia Głowacka ja Svein Lund
Báiki: Guovdageainnu nuoraidskuvla ja guovlu skuvlla ja eanu gaskkas.
Šattut nuoraidskuvlla ja eanu gaskkas

Nuohttunkursa 24.08.2019

Eai boahtán nu máŋggas kursii, muhto mii gal beasaimet bivdit ja govvet:

Geologiija beaivi 30.–31.08.2019

"Geologiens dag" lea miehtá Norgga dáhpáhus oktii jagis, man ulbmil lea nannet máhtu geologiija ja minerálaid birra. Dál mii leat lágidan dan Guovdageainnus vuosttáš háve.

Prográmma lei:

Bearjadat 30.08.
Kl. 10-21 Rabas čájáhus
Kl. 10-14 Fálaldat skuvllaide

Lávvordat 31.08.
Kl. 10-14 Rabas čájáhus
Kl. 12-13 "Stuoragurraforkastningen" – unnán dovddus geologalaš fenomena min lagasguovllus. Logaldallan NGU dutkkiid bokte
Kl. 14-17 Mátki Stuoragurrabáktebadjáneami, Máze lahka

Čájáhusas leat dát oasit:
– Mii lea geologiija? Váldoáššit eatnama historjjás ja minerálaid álgu
– Geologiija Finnmárkkus ja erenoamážit Guovdageainnus. Kárttat mat čájehit báktevuođu, luovusmássaid ja minerálaid.
– Sámi geologiija? Mii lea čállon sámegillii geologiija birra
– Stuoragurra-báktebajáneapmi – áigeguovdilis dutkan
– Bidjovagge Gruber – ruvkedoaimma ovdal, vuolde ja maŋŋil.
– Náránaš – plánat ja bohtosat
– Nussir ja ruvkedoaibma Fálesnuoris
– Minerála- ja geađgečoakkáldat – Guovdageainnus ja muđui Finnmárkkus.

Jahkečoahkkináigodat 2019-20

Jahkečoahkkin 2019

Referahta Jahkečoahkkin 28.11.2019

Jahkedieđáhus

Šaddokursa

2020:s leat leamaš 4 kurssa borramuš- ja dálkkasšattuid birra, geassemánus ja borgemánus.

Čájáhus – Guovdageainnu-Álttá-čázádaga dulvadeapmi ja riidu

Kulturviesus lei čakčamánu ja golggotmánu čájáhus mas ledje golbma oasi: NVE čájáhus Áltáášši birra, Justismusea čájáhus siviila jeaguhisvuođa birra ja Meahcceguovddáža iežas čájáhus.
Čájáhus rahpojuvvui mánnodaga 14.09. logaldallamiin ja muitalusaiguin.
Mis lea dán maŋŋá leamaš moadde presentašuvnna ohppiide, studeanttaide ja earáide

Sáhtát lohkat eambbo dás:

Meahcceguovddáža dieđut Álttá-ášši birra
NVE neahttačájáhus

Geologiija beaivi 2020

Geologiija beaivi lágiduvvui 23. ja 24.10., viiddiduvvon čájáhusain ja logaldallamiin Guovdageainnu geologalaš historjjá birra.
Lávvordaga 31.10. rádjái lei olles geologalaš čájáhus.

Jahkečoahkkináigodat 2020-21

Jahkečoahkkin 2020

Jahkečoahkkima referáhta 04.11.2020
Jahkedieđáhus 2019/20

Jahkečoahkkináigodat 2021-22

Jahkečoahkkin 2021

Jahkečoahkkinreferáhta 29.04.2021
Jahkedieđáhus 2020-21

Geologiija Beaivi 2021

Mii searvaimet fas miehtá Norgga lágiideapmái "Geologiens Dag".

Bearjadaga 10., lávvordaga 11., mánnodaga 13. ja distaga 14.09. lei rabas čájáhus Kulturviesus dii. 09-16.

Logaldallan Guovdageainnu geologalaš historjjá birra lávvordaga dii. 1200 ja Stuoragurrabáktebadjáneami birra sotnabeaivvi dii. 1800. Maŋimus lea NGU dutkiid birra, geat muitaledje maŋimus ođđasiid dutkamis.

Geahča muđuid min dieđuid geologiija birra.

Erenoamáš jahkečoahkkin

2021 jahkečoahkkin mearridii lágiidit erenoamáš jahkečoahkkima go 2020 rehketdoallu lei gárvvis. Dat dahkkojuvvui 01.02.2022. Rehketdoallu ovttas revišuvdnadieđáhus dohkkehuvvui.

Jahkečoahkkináigodat 2022-23

Jahkečoahkkin 2022

Jahkedieđáhus 2021-22
Jahkečoahkkinreferáhta 08.06.2022

Kursa dálkkasšattuid birra borgemánu 2022

Kursa dálkkasšattuid birra lágiiduvvui 18. ja 19.08.2022.
Čoaggiimet šattuid ja ráhkadeaimmet siráha ja deaja. Šattai oalle njálga, muhto dálkkasdoaimma eat leat vel ollen dárkkistit.
Dás sáhtát gávdnat kursaprográmma ja šattuid maid geavaheimmet.

21.08. lei oanehis kursa movt hermetiseret murjjiid, máihli ja guobbariid.

Guopparkursa

Kursa guobbariid birra lágiiduvvui 28. ja mánnodaga 29.08.
Mii oahppaimet deháleamos borahahtti guobbariid birra Guovdageainnus, ja makkár guobbariid mii berret vealtit, ja veahá mo gieđahallat guobbariid maid áigut borrat.
Gávnnaimet ollu guopparšlájaid ja eanasiid nagodeimmet gávdnahit makkár šlájat leat. Kurssa boađus lea Listu – dábálaš guobbarat Guovdageainnus. Guopparáigi ii leat vel nohkan, muhto dađe bahábut eat olle lágiidit anet kurssaid dán jagi. Mii ávžžuhit ahte sii geain lea beroštupmi gehččet min guopparčájáhusa Kulturviesus ja neahttasiiddus. Dat siidu lea dál viidduduvvon kurssa bohtosin ja farga boahtá eambbo.

Geologiija Beaivi 2022

Dán jagi Geologiija beaivi lei olles 4 beaivvi. Mii leat váldán vuostá 6 skuvlaluohká ja lágiidan logaldallama geologa Arne Bjørlykkiin.
Dađe bahábut fertiimet dan maŋŋá pahkket oasi čájáhusas, muhto oassi lea ain vejolaš oaidnit Kulturviesus.

Jahkečoahkkináigodat 2023–24

Jahkečoahkkin 2023

Jahkečoahkkinreferáhta 07.03.2023.